يا سلام

السائله ذهبت لتعمل راقصه في الأفراح

وبتستغرب من أن طليقها حرر ضدها محضر ليمنعها من العمل من اجل الأطفال!

والمحرره بتقول ان العمل الذي لا يمس الشرف لا تملك أي جهه منعه !!

اللهم لا اعتراض

لمؤاخذه، يعني ايه 3 % رسم تنمية موارد؟

ان شاء الله موارد ايه اللي انا هنميها وادفع لها 3%؟

مش كفايه عليك الضرائب والرسوم، لازم تنمي مواردك من جيبي؟

ما بدري

كويس انه عرف مصيره قبل ما يموت

بس المشكله انه داخ في المحاكم والصرف على المحامين 24 سنه

لو كان اتسجن السنه دي عام 85 كان اوفر له من وجع القلب

بـــشرى لجميع الرجال

الأخ صاحب الإعلان بيوفر الزوجه الثانيه

وبيوصل الإستمارات للمنازل!

لكنه لم يقول هل معها السلاطات والعيش ولا من غير؟؟

شريط دواء

زمان كان كل صف به 5 حبات من الدواء

لكن عملوا ديكور جديد بخلق فراغ في المنتصف من أجل توفير 3 أقراص بكل شريط

فصار عدد الأقراص 12 بدلا من 15 وبنفس السعر

أقترح عليهم المره القادمه يلغوا الصف الموجود في المنتصف بالكامل ويصبح الشريط به 10 أقراص

وبكده يحدث توفير في عدد الأقراص و حجم الورقة والعلبه مع بعض

مش فكره بردو؟