الاثنين، 27 أكتوبر 2008

أين الإعلام من هذه المأساه ؟

باعث الرساله يسأل أهل القانون لأنه يريد تعويضا لإبنته
أي تعويض يمكن أن تأخذه من طليق ابنتك يعوضها عن فقد عقلها
وواضح أنها كانت تحب زوجها وإلا لما فقدت عقلها بعد الطلاق
لكن لم تجد -هي وزوجها- من يرشدهما للطريق الصحيح
...
هذه الحادثه تستحق أن يقف عندها الإعلام
إهمال من الزوج، غيره مبالغ فيها من الزوجه، طلاق، تشريد أسره، إصابة أمرأه بالجنون
بدلا من إنشغاله بالانتصار الذي حققته المرأه بأن مصر أصبح بها أول مأذونه في العالم
فإعلامنا لم ينصح الناس بشيء ولم يعلمهم شيئا ينفعهم
وجرى -وجعل الناس تجري معه- وراء تفاهات وجودها مثل عدمه

هناك 7 تعليقات:

Empress appy يقول...

طيب هو لما ياخد الفلوس ايه اللى هيحصل تفتكر يعنى
هو بدل ما يطالبه بعلاجها نفسيا على نفقته وبعدين واضح من غيرتها الزايده انها مش طبيعيه فعلا لان دى بتبقى عوامل نفسيه كبيرة ربنا يلطف بيهم يا رب

الميكروباص يقول...

أهلا آبي
الناس متعلمتش
هي دي الأزمه
محدش قالهم ان كده غلط ولا حد قالهم يحافظوا ازاي على البيت
والنتيجة البيوت بتنهار وآلاف حالات الطلاق كل سنه
أعرف واحد مطلق بعد زواج 6 شهور- مش عارف ازاي الحقيقه لكن اول خلاف مع المدام طلقها- لعب عيال كله
ومحدش قاله كده غلط أو اضغط على نفسك للمحافظه على بيتك

Empress appy يقول...

ما هو علشان متجوزين علشان يتقال عليهم متجوزين بس
مش اكتر حاملى اللقب يا ابنى مش علشان يبنوا بيت ولا عيله

الميكروباص يقول...

ولله ده بيبقى اسمه جواز عيال صغيره

Foxology يقول...

زى ما آبى قالت >> هيعمل ايه بالفلوس ؟؟؟

وبعدين الأعلام دوره معروف من زمان يا باشمهندس >>> ادينى فى الهايف وانا احبك يا افننس زى ما قال الفنان محمود عبد العزيز :))

غير معرف يقول...

اعلام مين

ده ف رمضان يا ميزو اعلانات كتير بينت مصر نسبة الفقر فيها تجاوزت المش عارفة كام
وعلى قنوات فضائية اللهم صلي ع النبي

اعلامنا ده ماله مثيل
ولا غيره نيفع معانااااااا
اعلامنا ده ماله مثيل

مها ميهوووو

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل