تدخل محل كبير ومشهور وعنده صيت في كل مكان
وتدفع 4 جنيه في علبة أرز باللبن والعلبة كبيرة زي ما انت شايف وشيء محترم جدا
وبعد ما تفتح العلبه تجد الشيء المتوقع والمنتشر في بلدنا ولله الحمد 
العلبة نصفها فاضي !ومستخسرين حتى يملوها بشكل محترم على الرغم من انك دافع لهم فلوس
ودي أسمها قلة أدب وقذارة
هناك 13 تعليقًا:
ممكن الالفاظ المكتوبة فى لحظات الانفعال تتشال
لان ربنا هيحاسب عليها
السلام عليكم
ازيك يلورنس بجد ان الناس في مصر ودة طبعا مش الكل معندهمش ضمير ودة بسبب اللي من شوفه من غلاء الاسعار وعدم الرقابة وكمان قلة الدين عند الناس دي ربنا يهديم
بس انا معترض علي الشتيمة والالفاظعشان بس متدختش ذنب تتحاسب عليه قدام ربنا وربنا يهديالجميع
دمت بخير
لله مش عارف أقول ايه
الحقيقه انا امبارح اتنرفزت جدا جدا
دخلت المحل واشترينا 4 علب ورجعناهم تاني انا واصحابي ولكن انا صممت اني آخد العلبه معايا وصورتها مخصوص
ولنفترض ان فيه غلاء للأسعار
هو قام بتحميل هذا السعر على الزبون
يعني اخد حقه كاملا
الدور عليه في انه يعطي الناس حقها
لا يمكن ان يكون هناك واحد يفتح العلبه ويبص فيها ويلائي نصفها فاضي
انت اخدت الفلوس اللي انت عاوزها
ليه الناس ماتخدش حقها في السلعه المباعه؟
وسامحني في اللي كتبته لأني بصراحه كنت هاتشل من اللي شفته
كان معايا في الموقف ده واحد صاحبي عايش في أمريكا
وهو اللي صمم ودخل المحل ورجع العلب تاني
بصراحه فيه ناس كتير جدا بتتحرج من انهم يرجعوا الحاجات دي وبيخافوا من نظرة الناس ليهم فيما يتعلق بموضوع الأكل ده آل يعني انه مش من الاتيكيت انك تتكلم في كمية الاكل المقدم ليك
لكن الغريب اننا بنتحرج من ناس أصلا مش بتتكسف وناس حرامية
انت كصاحب محل اخدت حقك- واجب عليك انك تديني حقي
قمت بتغيير العلبه وخلتها كبيره وقمت برفع السعر، مش معقوله بعد ما افتح العلبه اجدها فارغه
ده العادى من بنك مصر .. قصدى ده العادى من تجار مصر وسلملى على الرقابة
تحياتى
يا سيدي ده حتى من غير رقابه
المفروض يحترموا نفسهم شويه ويحترموا الناس
يعني الواحد لما يشتري علبه ويلائيهم موفرين في الاكل هانقول عليهم ايه ؟
تخيل هنا في ليبيا مفيش الحركات دي خالص
الاسعار ارخص بكتير و الكميات اكبر بكتير
و مفيش حاجة اسمها غش تجاري
يعني تدخل محل مثلا تشتري اي جهاز اليكتروني تلاقيه هو اللي بيقوللك انه تقفيل الصين مثلا
مش زي في مصر تلاقي النصب هو الاساس و كل البضاعة ياباني و هي انتاج تايوان
بجد انا اكتشفت لما قعدت كام شهر في ليبيا ان احنا شعب نصاب غير محترم
ولله العظيم انا بزعل جدا وبتأثر بطريقه كبيره لما أشوف الحال عندنا بالشكل ده
والأمر فعلا مش مستاهل
بص على علبة الارز باللبن
حاطط فيها كبشه واحده
مش هايخسر حاجه لو حط واحده تانيه
لكن انه ينصب ويكبر العلبه عشان يضحك على الناس ده اللي مش معقوله
وبعدين ده كبير ومشهور
يهمه في الاول والآخر سمعته
عيب
عيب يضحك على الناس وهو بياخد حقه كامل
للاسف الغش والاحتيال
بقى عادة مصرية
وفعلا بقت دنيا قذرة جدا
ده لو الواحد اشتكى يقولوا له احمد ربنا انك لقيت ارز بلبن اصلا فى العلبة
حسبى الله ونعم الوكيل
ح حاجة تنرفز
ولفت نظري لنقطة
اننا أخدنا على اننا نسكت على الغلط
واللي صمم يرجع العلبة واحد صاحبك عايش في أمريكا،
تعرف كنا في رحلة وأغلبنا مصريين وكان معانا عائلة سعودية واحدة، حجات كتير ما عجبتناش كلنا قعدنا نشتكي لبعض وفوجئنا إن العائلة السعودية الوحيدة إللي ذهبت واعترضت عند المنظم فاستجاب وأقسم إنه ما كان عنده خبر عن هذا التقصير..
أيقنت ساعتها إن دا أسلوب شعب فعلا، أخدنا إننا نشتكي مننا فينا لكن ماتعودناش نشتكي لفوق حتى لو كانت رحلة..
معلش ممكن حضرتك تاخد طريقة الرز بلبن من على أي موقع بجد بينزلوا حجات تحفة جدااا :)
هدي نفسك معلش
و دا العادى من بنك مصر
هبة النيل
اللي قام بإرجاع العلب مرة أخرى للمحل صديق لي يعيش في أمريكا وليس انا او احدا من اصدقائي لأننا بننكسف!
إرسال تعليق