لأول مرة في الدنيا- ولن تجد أمثال هؤلاء إلا عندنا بالصحف المصريهتجد هذا الصحفي - بجريدة الأخبار- عنده مشكله غريبه جدا
مشكلة حياته الرئيسية هو أن بعض المساجد بها مكيفات !
حيث يرى سيادته ان التبرعات لتركيب مكيفات بالمساجد أمر من أمور الإسراف !
ويعدد لنا مساويء تركيب المكيفات بالمساجد
حيث انها تحتاج استهلاك كهرباء وتكاليف صيانه
وهذا طبعا إسراف وتبذير في وجهة نظره
لكن قدرنا أن ينصحنا بالصحف اليوميه أمثال هذا الصحفي
وهذا من يُفرد له مساحات لكي يكتب ويقول كلاما من فكر الشيطان
...
هذه الأيام يوجد شيء غريب
تجد شخص يتحدث في أمور الحجاب والمساجد وما يجب أن يكون في الدين
وهو من الأساس لا يصلي !
هناك 13 تعليقًا:
ههههههههههههههه
هى خلصت هى بيوت الله وحش انها تكون كويسه للناس
طيب ما يحاسب اللى مركبين 100 تكييف فى فيلا واحده وبيستهلكوا قد ايه ولا الوزير اللى عامل كذا تكيف فى المكتب والبيت وكذا مكتب
ولا بتوع امن الدوله اللى مديين عربيات اخر شياكه لاولادهم وبيعملوا صيانه على حساب اهلينا
يا سيدى سيبك منهم دول ولاد تييييييييييييييت
ولله يا آبي راجل فعلا ينقط
ده على رأيك لو شاف فيه كام تكييف في مبنى الأخبار اللي هو بيكتب منه مش هايتكلم كده
طيب تكييفات المصالح الحكوميه والوزراء من فلوس البلد
اما مكيفات الجوامع من فلوس الناس- يعني مفيش حد اخد حاجه من الحكومه
وعلى الرغم من كده مش عاجبه
ناس تقرف
اخي العزيز السلام عليكم ورحمة الله وبركاته أولا باحييك على ملحوظتك الذكية لفضفضة هذا الصحفي الذي أشك انها فضفضته هو ولكنها فضفضة حد تاني استأجره ينشرهاله ، فضلا عن كونه يصف تكييف المساجد وعمارتها بالظ
يصف تكييف المساجد وعمارتها بالظاهرة !! وقوله : كم تحتاج مصر من ميزانية لتكييف المساجد ، بعد كل دا تبقه انت اكيد حكومه عاوزة تلم التبرعات لحل مشاكل البطالة والعنوسة بدل تكييف المساجد ؟ ؟ صح ؟ ؟
أخ خالد
الراجل بيكتب في الخبار اللي المفترض انه اكبر توزيع في مصر
لما يكتب الكلام ده والناس تقراه تبقى مصيبه
وبعدين فيه حاجه
مش عارف ليه الناس لما تكون حاجه بتمس الدين بتلائيهم شالوها على دماغهم
يعني الحجاب وغيره من المسائل مش عارف ليه الصحفيين بيحاربوا فيها وكأن كل منهم من المفترض أن يكون مفتي
ويقولك على الصحافه صاحبة الجلاله
السلام عليكم
اصلها بدعة
يعني الواحد وهو بيصلي يتكيف ليه في عز الحر دة
خليه يموت فطيس وهو يبقى في سبيل الله
ههههههههههههههههههههههه
غريبة اوي
هما عاوزين ايه بالضبط
طيب نخلي المساجد على الزلط يعني والحصير ولا ايه مش فاهمة
خلاص يعني
الشيطان يعظ
عندك حق يا اخ لورانس
تحياتي
ربما لو قضى وقت اكثر بالجامع لفهم لماذا استخدمنا التكييف
يا اخى الناس بتخش السينما عشان التكييف طب ما يخشوا الجامع احسن
تاغاليه نونو
هذا ما هو موجود عندنا في الاعلام
فليس غريبا أن يظهر علينا من يشتم في رموز الدين ويسخر منها
mohra
هو بالتأكيد يادوب بينزل يصلي الجمعه وبيدخل الجامع مع بداية الصلاه ونهاية الخطبه مع الدعاء
فلو كان يلحق بالصلاه من أولها كان انبسط من الجلوس بالمسجد المكيف
لكن هو مجربش انه يقعد في الجامع من الأصل
معذور بردو
يا باشمهندس دى احد صور الأزدواجية اللى الشعب المصرى بيتقنها باقتداااااار يستاهل عليه جايزة نوبل لو فى فرع للجايزة فى الأزدواجية !!
تحياتى :)
يا دي النيلة يا دي النيلة
هي الناس دي عايزة ايه؟ تركيب تكييف في بيوت الله بتعمل مشاكل انما محطة حلوان لما شالوا الرخام ورجعوا حطوا رخام تاني ما عملش مشاكل وما كانش اسراف
وفلوسنا المنهوبة دي مش مشكلة ولا راحت لمسرفين
وما فكروش ينوروا الشوارع والايحاء الضلمة عشان الاسراف
ولا يحلوا مشاكل الصرف في الاحياء الفقيرة عشان الاسراف
ولا ولا ولا ولا
ولا اقول ايه بس يا ربي
لورنس،، بص ادامك،، بص ادامك احسن
سكتك خضرا
مها ميهوووو
يا سيدى فكك وهو انت ليه اصلا تقرى الاخبار انت مش عارف انه رجس من عمل الشيطان فا اجتنبوه
ما هو الاستاذ مش بيعرف طريق بيت ربنا وبيته و ومكتبه وعربيتيه مكيفين طيب ما يروح يناقش السيد وزير الاستثمار الى بيطبق السفه على اصولة ومعين حركة عشرين سكرتير وسكرتيره خريجى جامعه امريكيه وكل واحد بيلهف 10 او 15 الف جنيه فى الشهر شوف فى السنه يعملو صيانه لكام جامع
ثم انى التكييف بتاع الجوامع بيكون تبرعات من الاهالى مش على الاوقاف يعنى
مها
غير الرخام اللي في المحطه
كل فتره يشيلوا بلاط الرصيف - وبيكون كويس وجديد- ويركبوا غيره
مش عارف ليه ساب الناس دي ومسك في مكيفات الجوامع
رئيس جمهورية نفسي
مهو اللي هايجنني انها مش فلوس وزارة الأوقاف أو الأزهر مثلا عشان يقول كده
ولا هي فلوس الدوله
دي تبرعات من ناس عاديه
وهو عارف كه كويس- لكن بيستهبل
إرسال تعليق