طبقا لقانون الحجر الزراعي رقم 53 لسنة 1966ممنوع منعا باتا دخول العسل الأبيض إلى الأراضي المصرية !
يعني لو كنت في السعودية أو اليمن ورجعت ومعاك علبتين عسل سيتم مصادرتهم
والقانون ساري منذ عام 66 إلى الآن بدون أي تعديل
...
أول مرة أعرف أن العودة من السعودية بعلبة عسل جريمة
الخوف كله في المستقبل إن رجعت من السعودية ومعك صندوق بلح أن يقيموا عليك الحد!
هناك 11 تعليقًا:
اول مره اسمع بالكلام ده
معقول في كده؟
يامصبتي هوه فيه اي العسل عشان يمنعوه
ايه يعني اللي خلاهم يصدرو القرار ده بليز لو كنت عارف قولي عشان بجد نفسي اعرف
لنا عوده
تحياتي
zahra.y
يمكن فيه مخدرات وانا معرفش
الحقيقه انا كمان لم اكن اعلم بهذا الامر
يمكن حد من وزارة الزراعه يعدي علينا هنا ويمكن يقول لنا الحقيقه ايه
بس انا اعرف ان فيه انواع عسل غالية جدا جدا وواحد قالي ان فيه نوع اسمه عسل جبلي ده بيبقى جبار
الغريب في الخبر ان مثلا مفيش مستورد كبير ومعه كذا طن وعاوز يدخلهم البلد
ده شوية ناس راجعين وكل واحد معاه علبتين او حتى كام كيلو عسل كإستعمال شخصي
وعلى الرغم من كده وجد من يقف له ويمنعه من دخول العسل إلى البلد!
لا انت بتهزر مش معقول اي ده
انت عارف والله واديني حلفت السنه الفاتت واحنا نازلين مصر خدنا معانا 8 علب عسل زجاج كبيرة اصل عسل مصر شوية سكر ومغشوش على الاخر اما هنا العسل مشاء الله يجنن المهم فتشوا الشنط في المطار وكل حاجة وما قالوش اي حاجة عليه
غريبة ليه يعني اول مرة اسمع بالقانون ده
اتلاقي قانون مضروب
تحياتي
ازاي يعني
لو حد جايب عسل جبلي من هناك عشان شوية امراض ميدخلوش ؟؟؟
غريبة دي
ايه ده اول مرة اعرف انا الموضوع ده
ايوة ده ليه يعني
ايه وجهة نظرهم
خايفين من التلزيق يعني واللا ايه
ده ناس دماغهم فاضية
مااااااعلينا
انت عامل ايه يا استاذ معتز؟؟
miro el niro kwaniro
هو أنا أسمع اه عن العسل اليمني ده
اللي الكيلو منه بعشر تلاف جنيه
بس منعوا دخوله ؟
جديدة دي !!
وعجبي
ولسة ياما نشوف
تحياتي
ايوة طبعا عندهم حق !
ازاى نبوظ النحل بتاعنا ؟؟ ازاى نهدر بلاليص العسل المصرى الأصلى ؟؟ نرميه فى نهر النيل مثلا ؟؟؟
ازاى ميبقاش فى اى استفادة من البرسيم ؟ مينفعش نسيبه كدة لازم يبقى مصفى لآخر قطرة :))
ادينى فى الهايف وانا احبك يا افننس .. ده شعارنا طول عمرنا ايه الجديد ؟؟
تحياتى وربنا يصبرك على الأخبار المعسلة دى :)
ههههههههههه
ايه ده ياعمو معتز
تصدق باله انا فطست على نفسى من الضحك لانى عماله اقول ياربى هما بيتكلموا عن العسل اللى احناعارفينه ده ولا ده نوع من المخدرات مسميينه كده ههههههه
والله المدونه دى جامده جدا
كلامك فيها كله
زى العسل :))
انت يا ابني بتجيب الاخبار دي منين؟؟ بتقع عليهم فين؟؟
انت حقك تعمل برنامج رئيس تحرير او الطبعة الاولى
سيبك انت.. حد يجيب عسل من بره واحنا عندنا شعب زي العسسسسسسسسسسسسل
مها ميهوووو
ولله انا شايف ان كل اللي فيه مصلحه يجب ان يتم مصادرته
ياريتني كنت شغال في الجمارك
إرسال تعليق