الأحد، 25 مايو 2008

من نتائج ارتفاع الأسعار

أمين الشرطة و العسكري كانوا بياخدوا 10 جنيه من الميكروباص لو واقف يحمل من الممنوع
أو لو كان الضابط واقف في الميدان وممنوع ميكروباصات تقف في وجود الضابط لكي لا يبلغ الضابط عنه
ركبت مع سائق يوم الخميس
وقال لي أن الأمين طلب منه 30 جنيه !!
قلت له مش كتير؟
قالي أصله قام بتعلية المبلغ مع أرتفاع الأسعار
كان بياخد 10 فأصبح يأخذ 20 و30
صحيح
الدنيا بتغلى

هناك 10 تعليقات:

Desert cat يقول...

هو يعنى امين الشرطة مالوش نفس يقلب له حاجه هو كمان فى وسط حالة التقليب اللى شغاله فى البلد دى
اشمعنا الكبار يعنى هى جت عليه

Empress appy يقول...

وليه مستغرب العيب فى اللى سمحوا له انه يعمل كده مش جديده
على الشرطه كلها

الميكروباص يقول...

صحيح ولله
مهو بردو العيشه غاليه عليه

د. إيمان مكاوي يقول...

إشمعنى ده إللي مش هيغلي الفيزيتا
أرسلت لك تاج في المدونه ياريت تعدي وتستلمه في طريقك

الميكروباص يقول...

يا سلام يا مدام
انا رايح جالا

غير معرف يقول...

جتهم الأرف انا بشوفهم وهما بياخدوها عيني عينك والله يا لورنس ببقى مش مصدقة نفسي
بس برجع واقول المفروض اغنية في الهند أم العجايب تبقى ف مصر ام العجايب
عشان كده صدق اللي قال يبقى انت اكيد في مصر
سكة السلامة يا لورنس

الميكروباص يقول...

ولله يا مها انا عن نفسي مش عارف اتحرك منهم
باستمرار الفلوس بدفعها على ودنه
ربنا يسهل السكه

غير معرف يقول...

كل حاجه بتغلي يالورنس اشمعني الرشاوي مش حتغلي

زي اما تسمع ان الجرجير غلي بذمه ليه؟يقولك ماكل حاجه بتغلي

شويه و حتلاقيهم بياخدوا فلوس علي الهوا اللي بنتنفسه

تحياتي ليك ياجميل

غير معرف يقول...

آه صحيح ده انا نسيت انك صاحب أكبر أتوبيس وأشيك توك توك أريح ميكروباص
هههههههههههههههه

بنت مصريه يقول...

ههههههههههههههههه
كله بيضحك على كله
كله بيشتغل كله
حوش اللى وقع منك
لينسرق منك