الخميس، 29 مايو 2008

ونعم العائلات


في الإنتخابات الأخيره
كانت الدعاية الانتخابيه على أشدها
وها هي العائلات تؤيد
عائلة الاستاذ مصطفى النمس
وفي يافطة أخرى: الكابتن مصطفى النمس
فلا أحد يعرف ان كان كابتن ولا أستاذ
لأنه من الأصل لا أحد يعرف هو بيشتغل ايه؟

وأيضا عائلة الأستاذ علي معزه
تؤيد وتبايع مرشح الحزب الوطني

النمس ومعزه يؤيدون مرشحي الحزب الوطني !!
والوطني ولله الحمد كسب

يا بركاتك يا معزه انت و النمس

هناك 10 تعليقات:

AHMED SAMIR يقول...

ومن غير النمس ومعزة واي حديقة حيوان اخرى
انت عندك شك ان مرشح الوطني هينجح هينجح
دة احنا في ازهى عصور الملوخ.....عفوا الديمقراطية
تحياتي

الميكروباص يقول...

ماشي
بس خلي بالك العمليه كلها بلطجيه
يعني غير دول كان فيه هشام كرشه مثلا
ياريت كان فيه واحد محترم بس بيؤيد الناس دي وانا موافق على انهم يكسبوا
لكن كله من البلطجيه مع الأسف

غير معرف يقول...

كلها مصالح يالورنس و حيكسبوا حيكسبوا بس اهي مناظر عشان الشفافيه
:)

الميكروباص يقول...

مهو الناس دي مكسبوش لوحدهم
ده الغجر اللي معاهم كسبوا بردو وكسبوا كتير جدا

غير معرف يقول...

عارف ،، هو أي كلام عبيط جنب بعضيه على رأي باسم زميلنا في الشغل
انت ناسي ساعة نتخابات الرئاسة لما كانوا كاتبين ان المرحوم فلان بيؤيد

على فكرة اعمل واحدة واكتب اسمك ولا حد هيقول حاجة

وانت سايق خليك رايق

الميكروباص يقول...

ولله في انتخابات مجلس الشعب الاعضاء بيعملوا يفط كده بالعافيه بإسم الناس على انهم بيؤيدوا المرشحين، يعني ممكن تفتح البلكونه تلائي يافطه معلقه في الشارع عليها اسمك وانك بتؤيد فلان، ولا انت بتؤيد ولا نيله، بس هو كده بالعافيه،
لكن اللي في الصور دول هم البلطجيه بتوع المرشحين عندنا

Desert cat يقول...

مش مهم الالقاب ومش مهم الاسماء المهم المصالح تتحقق يا فندم

الميكروباص يقول...

وان مكنش معزه والنمس هايعملوا مصالح يبقى مين هايعملها
عندك حق يا قطه

Empress appy يقول...

هو النمس ده غير البطيخ يعنى ولا ايه مش عارفه
والله الناس دى عبيطه ومش فاهمه حاجه وبيصعبوا عليا

الميكروباص يقول...

بالعكس
ده هما دول اللي فهاهمين كل حاجه
عرفوا سكة الفلوس عن طريق انهم يبقوا كلاب لأعضاء مجلس الشعب والمجالس المحليه
تعالي شوفي النمس ده معاه كام دلوقت- على الرغم من انه اصلا محدش عارف هو بيشتغل ايه