قطعه من البلاستيك هدية داخل الشيكولاته
أخرجتها وكملت أكل - عادي مفيش مشاكل !
أما دي- جبنة شيدر جرين لاند- كنت بستخدم الطريقة البدائية في أكلها "بصوابعي" لأني مكسل أقوم وأحضر سكينهلكني وجدتهم متوصيين جدا بالتغليف لدرجة أنهم نسيوا البلاستيك داخل الجبنه!
وبردوا هاكمل أكل، يعني هاجيب أكل من فرنسا مثلايمكن المرة الجاية يطلع لي خاتم سليمان- مين يعرف؟!
هناك 11 تعليقًا:
ولله خايف حد فيهم يقول اني بشهر بيهم
لكن اقسم بالله العظيم ده اللي وجدته داخل هذه المنتجات
الحقيقه فكرت اتصل بهم من باب الحذر
لكني خفت لأني لو عملتها بالتأكيد هايعملوا حاجه في مدير الإنتاج اللي كان واقف على التشغيله
لأن في الغالب -حسب خبرتي في البلاوي دي- بيسلموا المصنع زباله لمدير الانتاج والجوده وبيطلبوا منهم أنهم يمشوا على الصراط المستقيم!
ولو حصل حاجه هما أول ناس بيترفدوا !
دى بتبقى غلطات شويه والحمد لله جت فى ده مجتش فى صرصار ولا نيله
وبطل العاده السيئه دى الاكل بصوابعك
ووبعدين انا مبحبش جرين لاند فاكر اعلانها الراجل اللى كان مع ونيس خله القله اصلا جايبين واحد مقزز يعمل الاعلان قرفنى فيها
بص دومتى كويسه
ولله يا آبي فعلا كنت مكسل اقوم اجيب سكينه
وحيث ان مفيش حد غيري في البيت قلت انخرب فيها بإيدي واعود للبدائيه
هي غلطان لكنها غلطان قاتله ومن شركات كبيره صعب تغلطها
انتي بتقولي دوتي كويسه
انا اعرف ناس شغالين فيها
هي كويسه - بس مش أوي يعني
hahaha helwa elgebna wekhatem se4leman da ya toza
shoof 7azak elyoom lol
ya bakhtak ya 3am
تحفة
يعني مع كل قطمة مسمارين ولا حتة كوتش
هم غيروا البهارات للنوع ده امتى!
لما الحق اروح اغير طقم سناني
المرة دي هاعملهم حددديد
تحياتي
احمد ربنا انها جت على قد كدة
دة فى مصايب بتحصل هههه
مع خالص تحياتى
الحمد لله إنها مجتش فى حاجة وحشة لا سمح الله وجت على اد البلاستيك وربنا يستر ممكن ينسوا ايه تانى مسمار ولا صورصار ولا ولا..
تحياتى لك
صباح الجودة
صباح الفل
إن شاء الله بكره ربنا يرزقك بربع جنيه مخروم جوه علبة الحلاوة
:)
يختيييييييييي
أمال لو وريتلك صورة عندي رغيف فينو من مكان محترم آي نعم في حلوان بس احنا عايشين عليه اساسا
ولقينا فيها يعععععععع صوريصاااااار من بتوع شيرين
آه.. سوري يا لورنس انا مضطرة اقوم.. مرام دخلت بالشاي بلبن نياهاهاهاه أيوه جاااااااي انا جاية اهوه
مها ميهوووو
مساء الجودة والأيزو برضه
:-)
هو فيه حاجة في المواصفات القياسية بتقول إن ممنوع إنك تلاقي بلاستيك جوة المنتج وبرة المنتج؟
بلاش تلاكيك بقى
:-)
أنا أحييك لأني تضع الدليل مع النقد وأقول لك اتصل بجهاز حماية المستخدم وأنا واثق أنك ستكون أكثر إيجابية وستنال حقك وحق المجتمع وستساهم في تقويم هذا الوضع
أنا لي تجربة مع هذا الجهاز وكانت إيجابية للغاية
إرسال تعليق